Pétur Þór er framkvæmdastjóri Eyþings. Hann sleit barnskónum á Skriðuklaustri en hefur víða búið s.s. í Reykjavík, Svíþjóð, Borgarfirði og á Egilsstöðum. Pétur er stúdent frá MH, búfræðikandidat frá Hvanneyri og stundaði framhaldsnám í Svíþjóð og lauk meistaraprófi (M.Sc.) í landbúnaðarverkfræði frá Sænska landbúnaðarháskólanum í Uppsölum. Síðar hefur Pétur Þór einnig lokið þriggja missera námi í stjórnun og tveggja anna námi í verkefnastjórnun og leiðtogaþjálfun með alþjóðlegri D-vottun í verkefnastjórnun.
Pétur Þór var sveitarstjóri í Eyjafjarðarsveit í sjö ár áður en hann réðst til starfa hjá Eyþingi. Þar áður var hann m.a. forstöðumarður tölvudeildar Bændasamtakana, við kennslu og rannsóknir á Hvanneyri og við rannsóknir hjá sænska landbúnaðarháskólanum.
Pétur Þór situr í stjórn Vaðlaheiðaganga hf. og er formaður stjórnar Greiðrar leiðar ehf.
Í frístundum leggur Pétur stund á líkamsrækt og útivist og þá er lestur spennusagna í miklu uppáhaldi. Þá er hann áhugamaður um rokk og popptónlist og dreymir um að Skálmöld haldi tónleika í Vaðlaheiðargöngum.
Pétur Þór hefur verið framkvæmdastjóri Eyþings frá 1998.
Linda Margrét Sigurðardóttir er verkefnastjóri hjá Eyþingi. Hún er búsett í Eyjafjarðarsveit ásamt fjölskyldu sinni en er uppalin á Presthólum í Núpasveit, Norðurþingi. Linda Margrét er stúdent af hagfræðibraut frá VMA, viðskiptalögfræðingur frá Háskólanum á Bifröst og með meistaragráðu í lögfræði frá Háskóla Reykjavíkur með áherslu á stjórnsýslurétt. Linda Margrét starfaði sem viðskiptalögfræðingur hjá PricewaterHouseCoopers á Húsavík áður en hún fór til Reykjavíkur í framhaldsnám en að loknu meistaranámi starfaði hún hjá Vinnumálastofnun Vestfjarða.
Í frístundum leggur Linda stund á blak og nýtur þess að eiga stund með fjölskyldu og vinum. Þá veit hún fátt skemmtilegra en lestur góðrar spennusögu.
Linda hefur starfað hjá Eyþingi frá ársbyrjun 2015.
