Sex verkefni styrkt á Bakkafirði

Kristján Þ. Halldórsson tók meðfylgjandi mynd við styrkveitinguna.
Kristján Þ. Halldórsson tók meðfylgjandi mynd við styrkveitinguna.

Þann 10. janúar sl. voru sjö milljónum króna úr verkefninu Betri Bakkafjörður vegna ársins 2019 úthlutað til sex samfélagseflandi verkefna á Bakkafirði. Auglýst var síðastliðinn nóvember, sjö umsóknir bárust um styrki að upphæð kr. 16,5 milljónir. Styrkirnir eru hluti af verkefni Byggðastofnunar, Brothættar byggðir.

Heildarlisti yfir styrkþega vegna styrkja fyrir árið 2019:

Nafn umsækjanda Nafn verkefnis Styrkupphæð
Halldóra Gunnarsdóttir Tvær gönguleiðir við Bakkafjörð 420.000,-
Langanesbyggð Fjarvinnslustörf á Bakkafirði 450.000,-
Bakkfiskur Harðfiskvinnsla 760.000,-
Baldur Öxdal Halldórsson Halldórshús 2.000.000,-
Útvörður ehf Hvala- og fuglaskoðun Bakkafirði 1.800.000,-
Arnmundur Marinósson Bruggun á bjór og pizzugerð 1.570.000,-
  Styrkir samtals:  7.000.000,-

 

Um er að ræða fjölbreytt verkefni sem hlutu styrki að þessu sinni. Verkefni s.s. í ferðaþjónustu, matargerð, veitingamennsku, bjórframleiðslu og endurbyggingu húss frá árinu 1906. Markmiðið með þessum verkefnum er að styrkja innviði Bakkafjarðar, skapa atvinnu og fjölga fólki á svæðinu í samræmi við stefnumótun fyrir verkefnið sem samþykkt var á íbúafundi síðastliðið haust.

Verkefnið Brothættar byggðir miðar að víðtæku samráði og því að virkja þekkingu og getu íbúa byggðarlaga til að móta framtíðarsýn, markmið og lausnir. Enn fremur að virkja frumkvæði og samtakamátt íbúa og auka vitund þeirra um eigin þátt í þróun samfélagsins.

Nánari upplýsingar veitir Ólafur Áki Ragnarsson (olafur@atthing.is) verkefnastjóri verkefnisins í síma 893-6434.