IAV og Marti með lægsta tilboð í Vaðlaheiðargöng

Í dag voru tilboð opnuð hjá Vegagerðinni í gerð Vaðlaheiðarganga. Fjögur tilboð bárust í verkið og reyndust þrjú þeirra yfir kostnaðaráætlun. Lægsta tilboð áttu IAV og verktakafyrirtækið Marti, rösklega 8,8 milljarða króna. Tilboð þeirra er 94,96% af kostnaðaráætlun.





Tilboðin eru þannig, raðað eftir hlutfalli af kostnaðaráætlun. 

IAV/Marti (Ísland - Joint venture)                        8.853.134.474        94,96%
Norðurverk (Ísland - samstarfshópur)                 9.488.706.534       101,77%
Ístak hf. (Ísland)                                                 9.901.752.795       106,20%
Metrostav-Suðurverk (Ísland - Joint venture)    10.849.427.276       116,37%

Áætlaður verktakakostnaður vegagerðarinnar var 9.323.350.000 kr.

Þeir aðilar sem standa að Norðurverki eru allir íslenskir. Þeir eru:
Árni Helgason ehf.
SS Byggir ehf.
Skútaberg ehf.
GV Gröfur ehf.
Rafeyri ehf.
Norðurbik ehf.

Á vef Vegagerðarinnar kemur fram að tveir aðrir verktakar höfðu lýst áhuga á að bjóða í verkið og reyndust til þess hæfir en það voru Per Aarsleff a/s og JK Petersen Contractors P/F, Joint Venture frá Danmörku og Færeyjum annarsvegar og hinsvegar Leonhard Nilsen & Sønner AS frá Noregi. Ekki bárust tilboð frá þessum aðilum.