Gögn Greiðrar leiðar seld

Samningur um kaup Vegagerðarinnar á þeim gögnum sem Greið leið hefur aflað eða látið vinna vegna Vaðlaheiðarganga var undirritaður í gær. Samningur hefur legið fyrir frá janúarlokum, en heimild til að greiða fyrir gögnin ekki fengist fyrr en nú. Það voru Birgir Guðmundsson f.h. Vegagerðarinnar og Pétur Þór Jónasson f.h. Greiðrar leiðar ehf. sem undirrituðu samninginn. Samkvæmt samningnum greiðir Vegagerðin 117,6 millj. kr. fyrir gögnin. Þar af er útskattur (vsk) 23,1 mkr. sem félaginu ber að greiða ríkissjóði. Alls er hlutafé Greiðrar leiðar 75,4 milljónir að nafnverði.
Myndin var tekin við undirritun samningsins en samninginn undirrituðu  Pétur Þór Jónasson, stjórnarformaður Greiðrar leiðar, Halldór Jóhannsson stjórnarmaður í Greiðri leið og Birgir Guðmundsson, umdæmisstjóri Vegagerðarinnar.