Auglýst er eftir umsóknum um styrki til verkefna í tengslum við verkefnið „Betri Bakkafjörður“

Opnað hefur verið fyrir umsóknir um styrk úr sjóðum verkefnisins Betri Bakkafjörður. Frestur til að sækja um er til og með sunnudagsins 15. desember 2019.

Meginmarkmið verkefnisins Betri Bakkafjörður eru eftirfarandi:

• Sterkir samfélagsinnviðir
• Öflugt atvinnulíf
• Aðlandi ímynd Bakkafjarðar • Skapandi mannlíf

Væntanlegar umsóknir þurfa að taka mið af þessum markmiðum.

Á vef Byggðastofnunar (www.byggdastofnun.is) eru nánari reglur um styrkveitingar. Á vef Atvinnurþróunarfélags Þingeyinga (www.atthing.is) má nálgast umsóknareyðublað sem umsækjendur um styrk skulu notast við en þar má einnig finna yfirlit yfir áherslur verkefnisins. Hér má finna úthlutnarreglur verkefnisins Betri Bakkafjörður 2019 og umsóknareyðublað má nálgast hér. 

Athugið að ekki er krafist mótframlags frá umsækjanda. Það styrkir umsókn ef verkefnið laðar fram fjármuni og krafta aðstandenda verkefnisins og samstarfsaðila. Samstarf aðila sem að jafnaði starfa ekki saman styrkir umsóknina.

Umsækjendur er hvattir til að lesa ofangreindar leiðbeiningar og leita sér aðstoðar hjá verkefnisstjóra. Vönduð umsókn sem styður við framtíðarsýn og meginmarkmið verkefnisins er líklegri til árangurs.

Nánari upplýsingar og ráðgjöf veita Ólafur Áki Ragnarsson verkefnisstjóri í síma 893-6434 eða á netfanginu olafur@atthing.is og Ari Páll Pálsson, verkefnisstjóri í síma 824-2731 eða á netfanginu aripall@atthing.is

Hér má sjá skýrslu um framtíðarsýn Bakkafjarðar sem unnin var upp úr hugmyndum er fram komu á íbúaþingi sem haldið var á Bakkafirði sl. vor.