Auglýst eftir menningarfulltrúa

Menningarráð Eyþings auglýsir starf menningarfulltrúa Eyþings. Um nýtt starf er að ræða sem komið er á fót í kjölfar nýgerðs menningarsamnings milli menntamálaráðuneytis, samgönguráðuneytis og sveitarfélaganna á svæði Eyþings (Eyjafirði og Þingeyjarsýslum). Starfið er brautryðjendastarf sem þarf að móta í samstarfi við Menningarráð Eyþings.
Starfssvið:
Dagleg umsýsla fyrir Menningarráð Eyþings.
Þróunarstarf í menningarmálum og menningartengdri ferðaþjónustu á Norðurlandi eystra.
Fagleg ráðgjöf, kynning og verkefnastjórnun.
Efling samstarfs í menningarlífi
Menntunar- og hæfniskröfur:
Háskólanám eða sambærilegt nám, sem nýtist í starfi.
Skipulags- og stjórnunarhæfileikar.
Þekking og reynsla af lista- og menningarstarfi og menningartengdri ferðaþjónustu æskileg.
Tölvu- og tungumálakunnátta.
 
Við leitum að kraftmiklum og metnaðarfullum einstaklingi sem á auðvelt með samskipti við fólk, er vanur sjálfstæðum vinnubrögðum og frumkvæði í störfum.
Vinnutími getur krafist sveigjanleika og starfinu fylgja töluverð ferðalög. Skilyrði er að viðkomandi starfsmaður verði búsettur á Norðurlandi eystra en starfsstöð verður á Akureyri. Æskilegt er að viðkomandi geti hafið störf í september 2007.
Launakjör eru í samræmi við kjarasamninga Launanefndar sveitarfélaga við aðildarfélög BHM.
Umsóknarfrestur er til 16. júlí nk. Umsóknir sendist til Eyþings, Strandgötu 29, 600 Akureyri. Menningarráðið áskilur sér rétt til að framlengja umsóknarfrestinn, ef nauðsyn krefur.
Upplýsingar veitir Björn Ingimarsson formaður Eyþings og varaformaður menningaráðs í síma 468-1220 og 895-1448, netfang: bjorn@langanesbyggd.is.