Vettvangur ungs fólks á Norðurlandi eystra

Verkefnið Vettvangur ungs fólks á Norðurlandi eystra hlaut styrk úr sóknaráætlun Norðurlands eystra fyrir árið 2019 og miðar að því að skapa vettvang fyrir ungt fólk á Eyþingssvæðinu til að ræða sameiginleg hagsmunamál og kynnast lífi hvers annars. Markmiðið er að skapa samheldni, tengslanet og umræður og valdefla ungt fólk á svæðinu. Með þessu verkefni er komið tækifæri fyrir ungmenni til að eiga samstarf við sveitarfélögin á svæðinu og vekja athygli á þeirra málefnum.
25.02.2020 | LESA

Lesa meira

Uppbyggingarsjóður Norðurlands eystra úthlutar 76 milljónum

Föstudaginn 7. febrúar, úthlutaði Uppbyggingarsjóður Norðurlands eystra 76 milljónum króna til menningar, atvinnuþróunar og nýsköpunar við athöfn í Skjólbrekku í Mývatnssveit. Ávörp fluttu Þorsteinn Gunnarsson, sveitarstjóri Skútustaðahrepps, Eyþór Björnsson, framkvæmdarstjóri SSNE, Eva Hrund Einarsdóttir, formaður úthlutunarnefndar Uppbyggingarsjóðs og Hilda Jana Gísladóttir, formaður stjórnar SSNE. Jólasveinarnir í Dimmuborgum sáu um skemmtiatriðin og Sel-Hótel sá um veitingarnar.
10.02.2020 | LESA

Lesa meira

Skýrsla RHA um Samstarf safna og Ábyrgðasöfn á Norðurlandi eystra

Á haustmánuðum 2019 skrifaði Rannsóknarmiðstöð Háskólans á Akureyri (RHA) undir samning við Eyþing/SSNE um gerð fýsileikakönnunar um aukið samstarf eða sameiningu safna á Norðurlandi eystra við höfuðsöfnin. Verkefnið var unnið í samræmi við tillögu C-14. Samstarf safna - ábyrgðasöfn í stefnumótandi byggðaáætlun fyrir árin 2018-2024 og var fjármagnað af mennta- og menningarmálaráðuneytinu.
05.02.2020 | LESA

Lesa meira

Eyrarrósarlistinn 2020

Eyrarrósin, sem nú er veitt í sextánda sinn, er viðurkenning fyrir framúrskarandi menningarverkefni utan höfuðborgarsvæðisins. Alls bárust 25 umsóknir um Eyrarrósina 2020 hvaðanæva af landinu. Þrjú verkefnanna hljóta formlega tilnefningu til verðlaunanna og eiga þar með möguleika á að hljóta Eyrarrósina 2020. Þau eru: Kakalaskáli í Skagafirði, Menningarstarf í Alþýðuhúsinu á Siglufirði og Skjaldborg - hátíð íslenskra heimildamynda á Patreksfirði.
04.02.2020 | LESA

Lesa meira

Sex verkefni styrkt á Bakkafirði

Þann 10. janúar sl. voru sjö milljónum króna úr verkefninu Betri Bakkafjörður vegna ársins 2019 úthlutað til sex samfélagseflandi verkefna á Bakkafirði. Auglýst var síðastliðinn nóvember, sjö umsóknir bárust um styrki að upphæð kr. 16,5 milljónir. Styrkirnir eru hluti af verkefni Byggðastofnunar, Brothættar byggðir.
04.02.2020 | LESA

Lesa meira