Úrslit úr matvælasamkeppninni: "Gerum okkur mat úr jarðhitanum" voru kynnt í Hofi 14. júní sl. Að samkeppninni stóðu Eimur, Nýsköpunarmiðstöð Íslands, Matarauður Íslands og Íslensk verðbréf. Alls bárust 20 tillögur í samkeppnina um leiðir til að nýta jarðhita við framleiðslu á matvælum og næringarefnum. Hugmyndirnar voru mjög fjölbreyttar, vel unnar og því úr vöndu að ráða fyrir dómnefndina. Dómnefnd hafði valið fjórar tillögur sem kepptu til úrslita.

Úrslit matvælasamkeppni Eims verða haldin í Hofi fimmtudaginn 14. júní kl. 16:00.

Sumarfundur landshlutasamtaka sveitarfélaga var haldinn 6. og 7. júní sl. á Vesturlandi. Guðmundur Baldvin formaður og Pétur Þór framkvæmdarstjóri mættu fyrir hönd Eyþings. Meðal þess sem farið var yfir á fundinum var staðan varðandi mögulega endurnýjun samninga um almenningssamgöngur. Einnig var farið yfir stöðuna og framhald samninga á sóknaráætlunum landshluta og yfir byggðaáætlun sem og fyrirhugaða endurskoðun á lagaumhverfi landshlutasamtaka. Þá var farið yfir það sem er efst á baugi í hverjum landshluta. Eftir fundinn var farið í skoðunarferð um Vesturland, farið var að Bjarteyjarsandi, um uppsveitir Borgarfjarðar og ferðinni lauk á heimsókn til Akraness.

Orkustofnun kallar eftir hugmyndum að virkjunum minni en 10 MW og má finna leiðbeiningar um það hvernig slíkum hugmyndum er skilað til stofnunarinnar í gegnum þjónustugátt á vefsíðu stofnunarinnar.

Landsnet hefur sett í opið umsagnarferli tillögu að kerfisáætlun um uppbyggingu flutningskerfis raforku á Íslandi. Hún gildir fyrir tímabilið 2018-2027 og skiptist í tvo meginhluta, langtímaáætlun um þróun meginflutningskerfisins og þriggja ára framkvæmdaáætlun fyrir tímabilið 2019-2021. Með kerfisáætluninni var unnið mat á umhverfisáhrifum hennar og er það birt í meðfylgjandi umhverfisskýrslu.