Bestu óskir um gleðileg jól og farsælt komandi ár. Þökkum samstarfið á árinu. Starfsfólk Eyþings

Uppbyggingarsjóður Norðurlands eystra er samkeppnissjóður og veitir verkefnastyrki til menningarverkefna, atvinnuþróunar og nýsköpunar auk stofn- og rekstrarstyrkja til menningarmála. Umsóknarfrestur vegna umsókna 2018 rann út þann 29. nóvember sl. Alls bárust 133 umsóknir þar af 51 til atvinnuþróunar og nýsköpunar og 82 til menningar. Samtals var sótt um rúmlega 271 mkr. 149 mkr. til atvinnuþróunar og nýsköpunar og 122 mkr. til menningarstarfs. Stefnt er að úthlutunarhátíð í byrjun febrúar.

Eyrarrósin er viðurkenning fyrir framúrskarandi menningarverkefni á starfssvæði Byggðastofnunar. Markmið Eyrarrósarinnar er að beina sjónum að og hvetja til menningarlegrar fjölbreytni, nýsköpunar og uppbyggingar, á sviði menningar og lista. Byggðastofnun, Air Iceland Connect og Listahátíð í Reykjavík hafa staðið saman að verðlaununum frá upphafi, eða frá árinu 2005.

Nú gefst farþegum Strætó kostur á að kaupa ferðir á landsbyggðinni í gegnum Strætóappið. Hægt er að sækja appið fyrir iPhone snjallsíma í App Store og fyrir Android snjallsíma í Google Play Store. Hingað til hafa fargjöld í Strætóappinu einungis verið gild innan höfuðborgarsvæðisins. Þessi breyting hefur í för með sér aukna þjónustu fyrir almenningssamgöngur á landsbyggðinni og mun hún einfalda farþegum útreikning og greiðslur fargjalda.