Viðskiptalíkan fyrir skapandi greinar

Eyþing kynnir Creative Business Model Toolkit  sem er viðskiptalíkan hugsað fyrir skapandi hæfileikafólk er hefur hug á að setja fyrirtæki á laggirnar, sem og skapandi frumkvöðla á fyrstu stigum rekstrar. Viðskiptamódelið nýtist einnig reyndara athafnafólki sem ekki hefur bakgrunn í viðskiptafræðum eða stjórnun. Creative Business Model Toolkit var unnið í gegnum Creative Momentum verkefnið sem Eyþing hefur verið þátttakandi í síðastliðin þrjú ár. Creative Momentum er samstarfsverkefni fimm landa: Íslands, Svíþjóðar, Finnlands, Norður Írlands og Írlands og var fjármagnað af Norðurslóðaáætlun Evrópusambandsins upp á 2 milljónir evra til þriggja ára. Verkefnið miðar að því að styrkja listamenn, hönnuði og fyrirtæki í skapandi greinum til að þróa hæfileika sína á sviði sköpunar og reksturs og við þróun á nýrri þjónustu og vöru. Eins við að þróa ný tækifæri í heimabyggð og á milli landa með því að tengja saman skapandi einstaklinga og koma vörum og þjónustu á markað.

Viðskiptalíkanið má nálgast hér