Styrkir til atvinnuþróunar og nýsköpunar

Uppbyggingarsjóður Norðurlands eystra auglýsir eftir umsóknum um styrki til atvinnuþróunar og nýsköpunar

Uppbyggingasjóður Norðurlands eystra veitir verkefnastyrki til atvinnuþróunar og nýsköpunar.  Sjóðurinn er hluti af samningi um Sóknaráætlun Norðurlands eystra 2015-2019.

Í ár lítur uppbyggingasjóður sérstaklega til verkefna sem jafna stöðu kynjanna og aldurshópa á svæðinu. Auk þess hafa þær umsóknir forgang sem uppfylla eitt eða fleiri eftirtalinna skilyrða.

  • Verkefni sem stuðla að nýtingu auðlinda svæðisins til atvinnusköpunar
  • Verkefni sem til þess eru fallin að auka fjölbreytni atvinnutækifæra
  • Verkefni sem stuðla að samstarfi atvinnulífs, háskóla og þekkingarstofnana
  • Verkefni sem efla nýsköpun og atvinnuþróun

Umsóknum skal skilað rafrænt til uppbyggingarsjóðs á netfangið uppbygging@eything.is  á þar til gerðum eyðublöðum sem nálgast má hér og á heimasíðum atvinnuþróunarfélaganna.  Umsóknarfrestur er til og með 18. mars.  Tilkynnt verður um úthlutun í apríl. Umsækjendur eru hvattir til að kynna sér verklagsreglur uppbyggingarsjóðs sem finna má hér.

Nánari upplýsingar um styrki til atvinnuþróunar og nýsköpunar veita:

Ari Páll Pálsson aripall@atthing.is  sími 464 0415  - Atvinnuþróunarfélagi Þingeyinga

Baldvin Valdimarsson baldvin@afe.is  sími 460 5701 - Atvinnuþróunarfélagi Eyjafjarðar

Einnig er hægt að senda fyrirspurnir á netfangið uppbygging@eything.is