Menningarbrunnur kominn í loftið!

Frá vígslu á listaverkinu Orbis et Globus sem er nýtt kennileiti fyrir heimsskautsbauginn eftir Kris…
Frá vígslu á listaverkinu Orbis et Globus sem er nýtt kennileiti fyrir heimsskautsbauginn eftir Kristinn E. Hrafnsson og Studio Granda. Mynd: Ragnar Hólm Ragnarsson.

Eyþing og SSNV kynna með stolti viðamikinn gagnagrunn um menningartengda þjónustu á Norðurlandi sem nefnist Menningarbrunnur - Gagnagrunnur um menningarstarf á Norðurlandi. Skráning í grunninn er aðilum að kostnaðarlausu og verður skráning og viðhald upplýsinga í höndum Eyþings og SSNV. Menningarbrunnur - Gagnagrunnur um menningartengda þjónustu á Norðurlandi hlaut styrk úr Sóknaráætlun Norðurlands eystra sem áhersluverkefni 2015.

Í grunninum er að finna upplýsingar um:

  • Hátíðir
  • Húsnæði
  • Hönnunarhús/gallerí
  • Menningarstofnanir/félög
  • Svæðisbundna fjölmiðla
  • Söfn/setur
  • Tónlist
  • Útilistaverk
  • Vinnustofur listamanna

Stefnt er að því að gagnagrunnurinn verði aðgengilegur á heimasíðu Eyþings, SSNV, Markaðsstofu Norðurlands, Atvinnuþróunarfélags Eyjafjarðar, Atvinnuþróunarfélags Þingeyinga, og heimasíðum allra sveitarfélaga á Norðurlandi.

Frekari upplýsingar um gagnagrunninn veitir Vigdís Rún Jónsdóttir verkefnastjóri menningarmála hjá Eyþingi, netfang vigdis@eything.is og Ingibergur Guðmundsson verkefnastjóri hjá SSNV, netfang ingibergur@ssnv.is